Dawa takit u Mukul hadien wa chem sabut wa em i tih tooh ya u mooyong ha South Garo Hills

Ynne ka sngi uwa yahkhmat ka liang pyrchah ha ka sorkar jylla, u Dr. Mukul Sangma hadien wa yoh u ya ka ujor na ki MDC ka GHADC wa ki paidbah hajrong i tih tooh ya u mooyong wa i chalan tooh ya u mooyong na Ri-loom Garo da pynman u ya i sylli syndet ya ka Era A’ning Coal Depot wa em ha South Garo Hills. 

Hadien wa wan sylli ya kini ki thaw neiliang u Dr. Mukul da ong u wa em chiboon u mooyong wa da pynlang ha ini i thaw iwa pynyoo wa em i kit tooh ya uni u mar kamjooh leh i tih tooh ya oo. 

Ha kani ka sngi da chim nongmuna leh ya u mooyong da ki sahep Geologist na ka chnat DMR wow pynsakhiat lada u moo toh uwa dang dep tih wot. 

Neiliang uwi na u MDC ka GHADC da pynbaad u wa em i yakrehlang hapyrdi ki bor ka sorkar jylla wa kamjooh leh ki bor District wow chalan tooh ya u mooyong. 

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Heijooh i por u Dr. Mukul da beiñ u yei wym mano ka sorkar hajrong ini i kaam deiwa dawa ya ka sorkar India wow pynman ko da i takit wa laitlooid deiwa thung da ka Special Investigation Team (SIT) hajrong i tih mooyong tooh ha kylleiñ ka jylla Meghalaya weiwa ka takit toh u em ko hapoh i pait ka yung kasari.