U Montri wa pait ya ki kaam pynroi sor, u Sniawbhalang Dhar da ong u wa i khooid i jngiar ymtoh u man i du ha ki sngi wa lehkmen tangwa emkaam waroh chi snem, wei da ong u wa i pynmiat ya ki le tylli ki sor kitæ ka Shilong, Jowai wa Tura, deiwa e rong wei dro dur ka sorkar da pynlut ko T. 2 klur.
Kamwa man katni aw jan waroh ki chnong wa ki dong ha sor Shillong da sdang wow pynkhooid wei pynmiat kam ka dak wow pdiang ya i dap 50 snem ka jylla ha ka 21 tarik uni u bnai.
Da ong u wa toh i bahkhlieh ka sorkar yeini khamtam kam ka dak wow lehkmen heiwa da kwah wow em i khooid i jngiar ha kylleiñ kini ki le tylli ki sor.
Chooh chooh da ong u wa neiliang ka sorkar kam chibynta wow kyrchaan ya ki dorbar chnong heiyatoh wa ini, da ekti leh ya i yarap poisa wa khian wei i pynlut poisa neibynta ini da man i kamwa palat T. 2 klur.
