Hadien wa mih ka khubor wa chah noh ki kari wa kit syiar cha synrang ha tymbud u sarok na Shillong cha Jowai, neiliang u Superintendent of Police ka West Jaiñtia Hills District, Bikram D Marak da ong u wa ka chnat pulit da tip ko yeini iwa jia waroh.
Neiliang u Bikram da ong u wa neiliang ka Ummulong Beat House da tip ko wa em 3 sien kam ini i jia ha ki bnai wa dadep.
Heijooh i por da ong u wa heiyatoh wa ini i jia waroh da chem chitom ki pulit wow takit neidaw wym em kiwa wan chaphrang wow ujor.
Neiliang u SP ka District da kyntu u leh ya ki bru wow wan ki chaphrang, ym du ya kiwa chah ktah ha ini i kaam tangwa wot ha kiwi leh khnang wow ye ki pulit u leh yeiwa emkaam.
Puræ leh: Hapoh chi bnai hadooh 5 tylli ki kari kit syiar wa chah noh ha West Jaiñtia Hills
