Ka KSU Khanduli-Umshangiar Unit da chem ko yei kreh khalær u Sub-Contractor ya kawi ka yingkieñ kawa em markhap ka chnong Khanduli wa Umshangiar, West Jaiñtia Hills. Hawa ka seiñ da mut ko wow kylli ya u Sub-Contractor hawa yatoh wa i rukom pynkreh ya katai ka yingkieñ, uni u bru ym bien u wow e jubab.
Najrong ka yingkieñ, ka seiñ da pynbaad ko leh wa i chna ya ka Guard Wall leh ym man kawa skem bha neibhah wot chi Inch leh ym tih ya i khyndaw wei da booh bait ya u moo hajrong khyndaw khlem da em i tre wa skem.
Hawa ka seiñ da mut ko wow yachem wa utai u Sub-Contractor da ong pathan u wa ka seiñ KSU toh ka seiñ kiwa lute, kamtæ ka seiñ ym yohsa ko wow pynsñiaw ha ki laad pathai khubor hajrong i leh embor yong utai u Sub-Contractor khnang wa ki paidbah u bichaar hi ki da idæ neibhah katai ka poisa wa da mang neibynta itai i kreh pynbha ym toh ka yong utai u Sub-Contractor tangwa toh ka poisa paidbah.
Ka Unit da kyrpaad ko ya ka chnat PWD wa ya ki bor wa haneiñ wow pynbait yei duna yong uwa pynkreh ya kitai ki kaam neibynta i bha yong ki paidbah.
Kamtæ da ong u wa i baam-tooh, i sarong toh i dawbah dawsan wa yah chei haap wei hiardor yong ka imlang sahlang.
