February 4, 2022
Ka National Weather Forecasting Centre ka India Meteorological Department (IMD) da pyntip ko wa u slap wa da hiar ynne ka sngi wa kamjooh i dait thah daw pteiñ i hadooh ka 7 tarik.
Ynne ka 4 tarik u slap wa u phria da hiar ha ki kattu katni ki thaw ha Uttarakhand, Bihar, West Bengal, Sikkim, Odisha, Arunachal Pradesh, Assam wa Meghalaya wei ka lailieh ha ki kattu katni ki thaw ka Uttar Pradesh, Jharkhand, Nagaland, Manipur, Mizoram wa Tripura.
I dait thah wa joor bha daw em ha ki kattu katni ki thaw ka Punjab, Uttarakhand, Haryana, Chandigarh, Delhi wa West Uttar Pradesh.
Ha ka 5 tarik u slap deilang waka lailieh daw em ha ki kattu katni ki thaw ka Arunachal Pradesh, Assam, Meghalaya, Nagaland, Manipur, Mizoram wa Tripura.
I kjam wei dait thah daw pteiñ i ha ki kattu katni ki thaw ka West Uttar Pradesh, Punjab, Uttarakhand, Haryana, Chandigarh wa Delhi.
Daw rben leh u ly’oh ha ki kattu katni ki thaw ka Punjab, Haryana-Chandigarh-Delhi kamjooh ha ki kattu katni ki thaw ka Uttar Pradesh, Uttarakhand, Rajasthan, Madhya Pradesh wa Bihar.
Ha ka 6 tarik daw rben u ly’oh ha Uttar Pradesh wa ki kattu katni ki thaw ka Haryana-Chandigarh-Delhi, Uttarakhand, Punjab, Rajasthan, Assam wa Meghalaya. Wei daw kjam ha ki kattu katni ki thaw ka Uttarakhand.
Ha ka 7 tarik daw joor biang i rben ly’oh ha ki kattu katni ki thaw ka Uttar Pradesh, Arunachal Pradesh, Assam, Meghalaya, Nagaland, Manipur, Mizoram wa Tripura.
