Rah ka Mynsngat SC ya ka lympung yaleh bol ka FKJGP Nartiang

Ka Mynsngat SC da rah ko yei naam jop ya ka lympung yalehbol wa pynman da ka FKJGP Nartiang Area Unit deiwa jop ya ka Nick FC da 1-0.

Ya ka lympung da wan wow pynhaap pyrda da u Sniawbhalang Dhar, Montri sorkar Meghalaya kam u kongsan deiwa emlang u Kitboklang Nongphlang, Chief Organising Secretary FKJGP Central body kam u symbood kongsan, u Chief Organising Secretary ka FKJGP Jaiñtia Hills u DS War, u President ka FKJGP Jaiñtia Hills u Tuesday Lytep, u General Secretary FKJGP East Jaintia Hills u Deihok Sumer chirup wa u Evening Tron, MDC Nongjngi ynne ka sngi.

Hei klam yong u Sniawbhalang Dhar da ong u wa sñiawkmen u hadooh kattæ u emlang ynne ka sngi kam u kongsan, deiwa pynrap u leh wa katwon dap u dei mynsien wa kmen wa ki seiñbhalang wa em hapoh ka 1-Nartiang Constituency man ki kiwa embynta wa khroo u ya khrehlang chirup wa ka chnong ka thaw kamjooh wa ka sorkar.

Da e khublei kyrpang u yaka FKJGP Nartiang Area Unit wa da ye ko u pynman ya kani ka Tournament neibynta i thmu iwa bha yong ka kam ka seiñ yoh u ya khrehlang waka imlang sahlang hapoh ka ri-loom Jaiñtia.

Related posts

Super Division EJHDFA: Khlem em wa jop ha waroh ar tylli ki yalehke

November 14, 2024

Daw wan yalehbol ka Racing Club de Blackheath kawa na UK ha Wahiajer

November 14, 2024

Ha kani ka yakhun Final, yei naam Man of the Match da yoh rah da u Stephanson Pale naka Nick FC, katwa yei naam Best Goalkeeper da yoh da u Rajat Paul Lyngdoh naka Mynsgat SC.

Ka Mynsngat da rah ko leh ya ka song poisa wa T. 2 lak deilang waka Trophy katwa ka Nick FC da yoh ko T. 1 lak deilang waka Trophy.