Ka Meghalaya daw sdang ko yei yakhun ha ka Elite Group ha kani ka samoi ka Ranji Trophy Cricket kawa daw sdang ha ka 17 tarik uni u bnai pyrchah ya ka Kerala.
Ka Meghalaya da emlang ko waka Kerala, Madhya Pradesh wa Gujarat ha ka Elite Group A, ha kani ka sien nyngkong wa da yoh ko wow yakhun ha kani ka kyrdan Elite Group.
Ki yalehke toh kiwa soo sngi kawi wei daw pynman ha Rajkot, Gujarat hei pait ka Saurashtra Cricket Association.
I pynkreh ya kiwa yalehke ka Meghalaya da sdang nadooh ka 6 hadooh ka 8 tarik uni u bnai ha MCA Ground, Polo. Ki le ngut ki Guest Professional Player ka Meghalaya kitæ u Punit Singh Bisht, Chirag Khurana wa DB Ravi Teja da wan bait ki ha Rajkot ynne ka sngi.
Ki yalehke ka Meghalaya:
vs Kerala, 17 February
vs Madhya Pradesh, 24 February
vs Gujarat, 3 March
Puræ leh: Pynbna ka Meghalaya ya ki wow mihkhmat ha ka Ranji Trophy
