Uwa yahkhmat ka seiñ United Democratic Party, u Metbah Lyngdoh da dap u dei mynsien wa chitrhem wei da kam u leh wa kam ka Party, khlem pep daw ye kow wow jop boon ngut ki kyrtong ha ka Election cha ka yung dobar chna aiñ kawan daw man ha u snem 2023.
Hawa yaklam wa ki laad pathai khubor, u Metbah da sñiaw u leh wow ong wa ha kani ka kynti kawa katni, ki paidbah da sñiawthooh bha ki ya ka yurim wa ki kaam ka Party da yieñ ko wow ktik yei pyrkhat yong ki wei da ktik leh yei yumut ki paidbah wa i por da emkaam wow e ya i kyrchaan ha ka Election kawa daw wan.
Hawa jubab hajrong i kylli chaphang i khlan ka Party hadien wa da yoo yei boon tylli ki seiñ saiñ pyrthai ha ka jylla, u Metbah da kam u wa ka Party ka leh emlang ko ha itæ i thaw wa skem bha tangwa da ban joor u yei ya krehlang da waroh neibynta wow pynkhlan ya ka Party wow mih madan wow yakhun ya ka Election.
