U chongknor ka yung dorbar chna aiñ ka jylla, u Metbah Lyngdoh da pyntip u ynne ka sngi wa neidaw wa wan ban ka khlam COVID-19 da ktah ko yei pyndep u chna ya ka yung dorbar chna aiñ wa thymme ha Mawdiangdiang.
Da pyntip u wa ini daw pynslem yei dep pynchna wei ym ye de wow pyndep ya ka ha uni u bnai Wisu (Mar) wow wan.
Hawa yaklam wa ki laad pathai khubor ynne ka sngi, u Metbah da pyntip u wa kamwa da thmu nawa sdang da kwah wow pynman noh yei chong dorbar mang tangka uni u snem ha kani ka yung dorbar wa thymme, tangwa neidaw wa wan ka khlam kamtæ da kyrriah yei thmu pynemkaam cha u Naiynru.
