U Bappi Lahiri uwa chna sur wa pawnaam ka India uwa da pyn ka-it ya ki jait sur Disco hapoh ka ri ha ki snem 80s wa 90s, da khlaad noh u ha Criti Care Hospital, Mumbai ynne ka sngi.
U Lahiri da em u hapoh Hospital la kamwa chi bnai wei da mih u na Hospital ha ka 14 tarik tangwa ha ka 15 tarik da joor biang i chitom u heiwa da li kit biang ya oo cha Hospital tangwa da khlaad noh u deiwa yoh OSA (Obstructive Sleep Apnea) heipor pyrdi synyaw.
U Bappi Lahiri da chna u boon ki sur wa pawnaam ha ki snem 1970s-80s kiwa da pynemkaam ha ki phlim kam i Chalte Chlate, Disco Dancer, Sharaabi wei hadooh u snem 2020 leh dang em u i sur wa pawnaam iwa tip kam i Bhankas ha ka phlim Baaghi 3.
U Bappi Lahiri toh uwa da kha ha ka 27-11-1952, i pyrtuid tre u toh Alokesh Lahiri wei hadooh wa khlaad u da em u 69 snem u rta.
Ya ki khubor sñiawlem da wan nadooh u Primie Minster ka ri, u President ka ri wa kiwi kiwi de.
