Lai pait u Conrad ya ki kaam pynroi ha South West Garo Hills

U Montri Rangbah ka jylla, u Conrad K Sangma ynne da saam u ya ki Cheque cha ki seiñ ki warep namo ki Producer Group ka South West Garo Hills ha Salmanpara Multi Facility Centre. 

Hawa e yei klam u Conrad K Sangma da khana u ya ka thong yong ka Scheme FOCUS wei kammon yoh yarap poisa ki na ka. 

Chooh chooh da ong u wa ki warep ye ki wow yoh poisa na ki Integrated Village Cooperative Societies deiwa kyntu leh ya ki wow pynemkaam hok ya i yarap khnang wow ye ki u pynboon ya ki mar rep yong ki. 

Da em 32 tylli ki Producer Group wa em 424 ngut ki dkhot da yoh ki ya ka poisa wa T. 21,10,000 deiwa kyntu ya ki wow kreh chirup wei wow em i chaniah. 

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hapoh Zikzak Block, South West Garo Hills, da ekti u ya ki Cheque wa T. 27.80 lak cha ki 42 tylli ki Producer Group hapoh ka FOCUS. 

U Conrad da lai pait u leh ya ki kaam pynroi ha South West Garo Hills, kam ka Bandalkona Combined Water Supply Scheme lyngba ka Jal Jeevan Mission kawa em ha Betaking Block. Kani ka Scheme da ye ko u pynpoi umkor cha waroh ki yung ha Bandalkona wei ki kreh ha kiwi ki Scheme um leh da lai bha ki chaaid chaaid. 

Ynne ka sngi u Conrad da lai pait u leh ya i kreh ha u sarok Garobadha-Ampati-Samati ya uwa da jan dep i kreh kattu.