U Chief Whip ka Liang Pyrchah uwa man leh u MLA ka All India Trinamool Congress (AITC), u George B Lyngdoh da yaroh u ya ka High Court ka Meghalaya kawa da chimkhia wow tuklar ya i kaam tih wei khayi mooyong tooh hapoh ka jylla.
Da ong u wa da toh i por wa ka High Court u tuklar ko ya ini i kaam, neibhah ki paidbah kwah ki u yoh ya i hok, deiwa pynrap wa ymtoh du ya ki kaam tih mooyong tooh, tangwa ka Kasari leh da toh u phah takit ki ya ka poisa na ki kaam khayi mooyong tooh.
Ka High Court ynnin ka sngi da pynmih ko ya ka hukum wa ka Chief Secretary deilang waka Director General of Police ki toh u e ki ya ka bui hapoh 7 sngi, hajrong ka ujor ka Nokma ka Nangchigen, kawa da pynbaad wa em i tih mooyong tooh ha i thaw ka Kur iwa em ha West Khasi Hills.
Ha iwi i liang, hajrong i kam u President ka NPP Meghalaya, u Dr. WR Kharlukhi wa ka AITC toh u ujor ko hajrong i pynbaad wa em i tih mooyong tooh, u George da ong u wa kam ki heh toh i kaamram yong ki wow pynsñiaw ya i maa wa yang ya ka jylla.
Da ong u wa lada kiwa mihkhmat paidbah leh ujor ki, iyi wa da dep jia ya ki ujor næ FIR ki bru paidbah, wei kamjooh leh kiwa ujor lyngba ka Suo Moto FIR katkam ka MMDR Act pyrchah ya i khayi mooyong tooh. U heh ka AITC da ong u wa ka sorkar da pyrchang ko wow tymmoh lut ya ki kaam pyrchah aiñ kiwa da jia nadooh wa chimkti kani ka sorkar.
