U CEM ka GHADC, u Rakesh A Sangma da chim u ya ka rai wow hiar chuki noh wei daw jied ya uwa yahkhmat wa thymme ka Council ha ka 28 tarik uni u bnai. Ini mut wa da man u kam u CEM 25 sngi donhi.
I rai wow hiar chuki da chim hadien wa pynman ya ka yakhih la 3 tayaw ha kylleiñ ka ri-loom Garo wow pyrchah yei jied CEM ya u Rakesh neidaw wym em man u kam u jaitbru Garo wa pura wei ym sñiaw yahap ya oo wow yahkhmat u yaka GHADC deiwa e daw wym tip u yaka riti dustur ki jaitbru Garo.
Kiwa pyrchah kynthup lang ki ya ki seiñbhalang wa kiwi de mar ya jied ya u Rakesh A Sangma kam u CEM ha ka dorbar ka GHADC deiwa jop ya u Benedic R Marak.
Kiwa pyrchah da ong ki leh wa u Rakesh da chim u yei pyrtuid ‘A’ iwa mut A’gitok deiwa leh daka Affidavit kamtæ ym em man u kam u Garo wa pura wei i yakhih da poi i chei khut khang chnong hadooh wa rah lama yong leh kiwa pyrchah ya u Montri Rangbah hawa wan u cha ri-loom Garo ynnin ka sngi.
Neiliang ka sorkar jylla heiyatoh wa ini da ong ko wa ym bien ko wow tuklar.
Kam wow pynkynmoo wa hapoh ri-loom Garo hapoh ka GHADC ym em khang ya ki wym toh ki jaitbru ri-loom wow yieñ yaleh Election ki kamjooh wow thap Vote.
