Sñiawkhia ka Ampareen wa em ki khynnah wa da dam skur chiteiñ por hanla da sdang ki skur

Ka MLA ka Congress kawa da chah beh chi por, ka Ampareen Lyngdoh da pynsñiaw ko yei sñiawkhia wa wot wada sdang biang ki skur hadien ka khlam COVID-19, ki khynnah dang em bait kiwa dam skur chiteiñ por.

Ka Ampareen da kylli ko na u Montri ka chnat Puræ Puthi wa lada ye ki wow thooh bniah yow tip tre yei eh hapoh ka jylla.

“Ka snem puræ puthi dang sdang wot ko wei dang paan ya ka bui (Report) na waroh ki District yow thooh bniah lada em kiwa dam skur chiteiñ por wei kammon wow leh ya ini,” da ong u Lahkmen hawa e yei jubab hapoh ka yung dorbar ynne ka sngi.

U Rymbui da pyntip u wa ka jylla daw sdang ko ya ka Digital Learning neibynta ki skur sorkar ha uni u snem 2022.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Montri da jubab u yeiwa kylla ka MLA ka Congress na East Shillong wa kammon da leh ha ini i rukom im deiwa thymme yow poi cha ki thong ka Sustainable Development Goals (SDGs) hadien u Covid.

Deiwa ban joor yow chem heiwon wa duna ha ka puræ puthi, u Lahkmen da ong u wa waroh ki skur sorkar daw phah ya ki wow sdang ki da ki Professional Learning Communities ha uni u 2022.

Chooh chooh da ong u wa ha uni u 2022 i bichaar yei puræ puthi daw pynkylla noh deiwa booh thong thymme kammon wow e yei sikai. I rukom saam ya ki kot ki sla daw leh lyngba ka Digital Mode ha uni u 2022 wei ka Directorate of Educational Research and Training (DERT) daw pynku kyrdan ko ya ki tiar ki tar wa e sika (Broadcasting & Telecasting).

Da khana u leh wa daw jied ya ki Educational Volunteer na ki skur wa em cha palatsor wei yeini u leh ha Naiynru 2022. Ka DIKSHA (Digital Infrastructure for Knowledge Sharing) daw pait ko ya iyi wa da dooh hei puræ puthi ha ki skur ha u Naikhynde 2022.

U MLA ka Nationalist Congress Party na Gambegre, u Saleng A Sangma da ong u wa boon ki skur wa em cha platsor kiwa ym em tang ki ben leh kamjooh leh ym em pynman skur ki la ar snem neidaw wa em ka khlam.

Katwa ka MLA ka NPP na Selsella, ka Ferlin Sangma, da pyntip ko wa da em kamwa 23 tylli skur hapoh ka Dadenggre Sub-Division ka West Garo Hills District ki wym em kawi leh kawa sikai skur.

Neiliang u Montri da pyntip u wa i thung kreh dang lai ko chakhmat.