Pynbna u Conrad ya ar tylli ki sarok thymme ha Ri-loom Jaiñtia

Kam chibynta i wanrah ya ka mang tangka ka jylla ynne ka sngi, u Montri Rangbah ka jylla, u Conrad Sangma da pynbna u leh chiboon ki kaam pynroi wa thymme ka sorkar kiwa em hadooh 21 tylli.

Kini kynthup ki nadooh ki sarok, ka umkor, i pynchna ya ki yung krehkaam sorkar ha ki khlieh District, ki yung krehkaam neibynta ki 40 tylli ki Block ki wym pu em yoh ya ki yung krehkaam wa pura wa kiwi kiwi de.

Neibynta ki sarok da pynbna u wow chna ya ki sarok thymme wa kynthup ya ka Jowai-Nartiang-Kdiap-Khanduli, ka sarok Chokpot-Sibbari, ka sarok Mawphlang-Masynram, ka sarok Ummulong-Tyrshang-Bamkamar, ka sarok Anegre Raksamgre, ka sarok Umlynga-Lawmei waka Rongrenggre-Simsangre Nengkra.

Daw wanrah leh ya ki Water Supply Scheme wa thymme yow pynpoi umkor cha Mawkyrwat, Tura, Shangpung, Umlyngka wa Pynursla.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

U sdang leh u chna ya ka Mini Secretariat ha Tura wa Jowai he lut wa T. 45 klur heiwa waroh leh ki District ki wym em ya ka yung krehkaam wa pura u SP wa DC daw yoh yung krehkaam wa thymme ki hei lut wa T. 150 klur.

Da pynlait poisa leh T. 120 klur yow chna ya ki yung krehkaam ki 40 tylli ki Block ka jylla.

U sdang chna noh leh ya ka 2^nd Phase ka Shillong Tech Park deiwa booh bhah ka poisa T. 1,450 klur heiwa daw ye u pynmih hadooh 4,500 tylli ki kreh.

Da pynbna u leh ya ka Ginger Mission, Spice Mission, Poultry Mission waka Goatery Mission.

Da pynbna u leh T. 1200 klur tam neibynta wow pynkhai im biang ya ka rymaw wei wow pynmiat ya ki thaw uiñke suwari ha Sohra kawa daw neh 5 snem.

Da pynbna u leh ya ka Film Policy deiwa ong wa ka jylla em ko chiboon kiwa chna phlim wei ym jooh em ka Policy naka sorkar wow kyrchaan ya ki.

Daw wanrah leh ya 200 tylli ki kari wa syad dor deiwa e subsidy 50%, ki Electric Bus, ki e-buggies yow pynkylla ya iwa ye kiwa uiñke suwari u maad kamjooh yow pynyoh kreh leh ya kiwa chong chnong. Daw sdang leh ya ki School Bus wow ya pynemkaam lang deilang wa ki Electric Bus yow pynkyllooid ya ka Shillong. Kamjooh daw wanrah leh 200 tylli ki kari neibynta wow kit mar-rep deiwa e 50% ka Subsidy yow pynsuk yei kit i bah ya ki mar-rep, yow suk u pynpoi yaw wei yow lait u lutsan ki warep.

Daw sdang leh wa 20 tylli ki yaw yong ki warep heiwa da em chwa 20 tylli.

Daw pynman leh ya ka North East Olympics yow lehkmen yei daw 50 snem ka jylla.

Waroh ki pynbna man ki kamni ha wah: