U Montri wa pait ya ka chnat Sports & Youth Affairs, u Banteidor Lyngdoh da pyntip u ynne ka sngi hapoh ka yung dorbar wa yaka Sports Policy kawa da pynkhreh nadooh ka 12-12-19 ym pu ye u pyndep ka neidaw wa pynthut ka khlam COVID-19 la ar snem.
Yeini da jubab u yeiwa kylli u MLA ka Mawphlang, u Eugeneson Lyngdoh uwa da pynbood won deiwa kylli chaphang ka National Games kawa da toh u pynman ha Meghalaya yow tip iyi wa da pynkhreh ya kiwa yalehke wei kammon da jied ya ki Coach heiwa u Montri da pyntip u wa ka sorkar da chong yalang ko boonsien waka MSOA yow pynkhreh wei wow ap leh iyi wa da tyrwa kiwi leh kamjooh wei da dep phah ya kiwa yalehke wow lai pynbniah ki ha ki Coach wa pawnaam.
Da pyntip u leh wa i pynkhreh ya ki Stadium wa kiwi ki thaw yalehke dang lai ki chakhmat wei hadien wa pyndep ya ka National Games daw chim ya ka rai kammon wow pynemkaam ya kini ki thaw yalehke.
Heiyatoh won wow e kreh ya kiwa yalehke hapoh ka Sports Quota, u Montri da pyntip u wa daw hap paan yutip naka MPSC kammon da leh yeini wei kammon da booh bhah.
Hajrong i e yarap poisa cha ki kaam yalehke hapoh ka jylla, u Montri da pyntip u wa da yarap poisa cha ki 29 tylli ki Sports Association ka jylla kiwa da tipmit daka MSOA heiwa ha u snem 2021-22 da e T. 1 klur kiwa kyntup ya kini ha wah:
Meghalaya Athletic Association- T. 8 lak
Meghalaya Badminton Association- T. 3 lak
Meghalaya Basketball Association- T. 3 lak
Meghalaya Billiards & Snooker Association- T. 10 lak
Meghalaya Boxing Association- T. 3lak
Meghalaya Football Association- T. 3 lak
Meghalaya Golf Promoter Association- T. 3 lak
Meghalaya Judo Association- T. 8 lak
Meghalaya Karatedo Association- T. 3 lak
Meghalaya Softball Association- T. 3 lak
Shooting Association of Meghalaya- T. 2 lak
Meghalaya Swimming Association- T. 3 lak
Meghalaya Table Tennis Association- T. 5.59 lak
Meghalaya Taekwondo Association- T. 3 lak
Meghalaya Tennis Association- T. 3 lak
Meghalaya Weight Lifting Association- T. 3 lak
Meghalaya Wushu Association- T. 3 lak
Non Affiliated Sports Associations- T. 3 lak
Meghalaya Fencing Association- T. 3 lak
Meghalaya Carrom Association- T. 1 lak
Meghalaya Chess Association- T. 2 lak
Meghalaya Arm Wrestling- T. 2 lak
Meghalaya Sport Climbing & Mountaineering Association- T. 3 lak
MSOA- T. 6 lak
Neibynta ka Table Tennis National Championship ha uni u snem daw pynlut T. 1 klur.
Da pyntip u leh wa ha u snem 2021-22 da e yarap poisa cha ki 264 ngut kiwa da yoh takma ha ki yalehke Regional, National wa International kawa da poi T. 1, 02,45,000 wei i e yarap poisa leh da e lynbga ki District hapoh ka District Promotion Society Scheme Sports Scholarship.
Da pyntip u leh wa yaka Meghalaya Games daw pynman ha u Naisan-Naiynru uni u snem, ka North East Olympics ha u Naichiphaw-Khonchonglad uni u snem katwa ya ka National Games ym pu tip neidaw wa da pynthut ka khlam heiwa hachwa ka Meghalaya da em ka Goa, Chhattisgarh waka Uttarakhand kiwa da toh u pynman chwa.
