U Montri wa pait ya ka chnat Revenue & Disaster, u Kyrmen Shylla ynne ka sngi hapoh ka yung dorbar chna aiñ da pyntip u wa da paan chooh chooh ka poisa wa toh u e yarap cha kitu kiwa da chah ktah hei bor ka rymaw kawa dapoi ko T. 20,02,75,000 kawa man kam ka Supplementary Demand cha ka chnat kawa da mang hadooh ka 31-03-22.
Yeini da pyntip u kam chibynta wow jubab ya ka Cut Motion wa da wanrah da u MLA ka Umori u George Lyngdoh uwa da ong wa ki warep nadooh u snem 2018 kiwa chah ktah ki mar rep ki ha u phria wa ha u 2020 hei chlai um syndet ka Umroi heiwa da chah ktah 7 tylli ki chnong khamtam ka Mynsain, Lumsyntung, Nonglum wa Pynthor ym pu em yoh ki ya ka poisa yarap.
Neiliang u Montri da ong u wa ka poisa da dep pynlait cha ki District waroh wei da kular u leh wow phah ya ki DC wow su smat ki ya kani ka poisa cha kiwa chah ktah, kamtæ da pyndam noh u George Lyngdoh ya ka Cut Motion.
Ka poisa wa da pynlait cha ki District man i kamni ha wah:
East Khasi Hills- T. 2,29,50,237
West Khasi Hills- T. 3,04,37,204
Ri-Bhoi- T. 3,85,86,442
South West Khasi Hills- T. 1,87,41,164
East Jaiñtia Hills- T. 31,10,844
West Jaiñtia Hills- T. 2,16,25,280
East Garo Hills- T. 5,90,48,658
West Garo Hills- T. 10,93,22,936
South Garo Hills- T. 76,15,900
South West Garo Hills- T. 49,11,699
North Garo Hills- T. 1,62,65,00
