Ka KSU Wahiajer Unit ynnin ka 15 tarik da lai yachem ko ya u DM&HO ka West Jaiñtia Hills neibynta wow kyrpaad yow wanrah sa kawi ka Health Sub-Centre ha ka chnong Wahiajer, neibhah kamwa man katni, ka seiñ da yoo ko wa ka chnong da roi da paar ko wei i boon yong ki bru leh da nang ku kat dang mih ki sngi.
Kamtæ hajrong ini, neiliang ka seiñ da angnood ko wow wanrah ya kani ka Sub Center khnang wa ki bru u rap suk ki wow lai chim dawai na ka Sub-Center.
Hajrong ini, neiliang ka seiñ da kyrpaad joor ko leh ya ka chnat i chait i khiah wow pynmankaam ya i thmu wa bha yong ka seiñ khnang wa ka imlang sahlang leh u yoh myntoi ko chiboon.
