theme-sticky-logo-alt
theme-logo-alt

Ye u chah khyndang ka BJP na ka sorkar MDA

Hadien wa ka Bharatiya Janata Party (BJP) ym bien ko wow pdiang ya ka National People’s Party hapoh ka sorkar ha Manipur, ye u man wa ha ka jylla Meghalaya leh ka BJP daw chah khyndang noh ko na ka sorkar Meghalaya Democratic Alliance (MDA) wa yahkhmat da ka NPP.

Hawa yaklam wa u National President ka NPP uwa man leh u Montri Rangbah ka Meghalaya, u Conrad Kongal Sangma da ong u wa i chna ya ka sorkar yaphær ko na kawi ka jylla cha kawi ka jylla, tangwa ka NPP leh dang bichaar bniah ko kammon u lai ha Meghalaya lada ka NPP ym chah khut lang ko ha ka sorkar wa da yahkhmat da ka BJP, neibhah hadien ka Election ka BJP da jop boon tam ko du samen.

Da ong u wa ha ka Election, ka NPP u yakhun bait ko dei yong ka hi, tangwa da pyntip u leh wa da em ko i yaklam chwa wa daw ya krehlang hadien ka Election.

U Conrad da ong u wa ka NPP u ya krehlang ko wa ka sorkar National Democratic Alliance (NDA) wa yahkhmat da ka BJP ha Delhi wei kamjooh ha Arunachal Pradesh wa ha Meghalaya, tangwa hawa yatoh wa ka Manipur neibhah wa ka BJP da jop boon tam, i rai chong ha ki, lada ki khut ki wow psiah cha ka sorkar ka NPP wei smat ki wow ya krehlang.

Share this:
Previous

Da ki tin sap yung waka song pisa e yarap ka NHP cha ka manyung ha Barato

Next

Dawa ka KSU wow booh Sub-Centre ha Wahiajer