U MLA ka BJP na Pynthorumkhrah uwa man leh u Montri warim ka sorkar jylla, u Alexander Laloo Hek da sñiawkhia u yei wanrah ya ki bru na baar jylla wow kreh ya ki kaam Contract ha ki kreh (Project) waphær waphær yong ka sorkar jylla.
Da ong u wa ha kini ki sngi, kiwa boon bha ki kaam kitai ki Project yong ka sorkar, kam kiwa hapoh Meghalaya Basin Development Authority (MBDA), Meghalaya AIDS Control Society (MACS) da wanrah bait da ki bru kiwa na baar jylla wow kreh.
U Hek da kylli u leh weileh ym em bru mo na ka jylla kiwa chkæh ha kini ki kreh neibhah i wan ki bru na baar da man i kamwa chah knieh noh ka pliang ja yong ki tre jylla, kiwa kynthup ya ki Khasi Jaiñtia wa Garo.
Da ong u leh wa lada ka aiñ bhah kreh ym krehkaam ko neibynta kiwa kreh Contract leh, tangwa ki bru na kani ka jylla boon kiwa chkæh wow kreh ya ki kaam wa lait.
Chooh chooh da ong u wa kam uwa mihkhmat da klam u yeini cha ka sorkar neibhah wa boon palat kiwi tawon ki bru kiwa wan kreh chapoh kani ka jylla.
