U Montri wa pait ya ka puræ puthi, u Lahkmen Rymbui da ong u wa ka sorkar dang bichaar ko ya i dawa kiwa sikai Adhoc, wei ya ini da dep u wow klam leh hapoh ka yung dorbar kawa dang kut wot.
Da ong u wa kamwa man katni yow pynku kyrdan ya kiwa sikai na ki Adhoc cha ki Deficit, ka sorkar ym ye ko wow leh iyi iyi, tangwa ya ka bynta wow pynku ya ka tulop ka sorkar dang bichaar bniah ko.
Heiyatoh wow ka tulop kiwa sikai SSA kawa toh u su ar bnai hapoh uni u bnai, da ong u wa dadep wow yaklam wa kiwa yahkhmat ka MSSASA wa ya ka tulop wa ar bnai daw pynlait noh hadien ka dorbar mang tangka. Da pyntip u wa kani ka kaam da lai ko wei hapoh uni u bnai daw pynlait bait ya ka tulop kamwa da kular cha kiwa sikai.
