U SDO (PHE) Electrical Sub-Division da pyntip u wa daw duna i pynpoi umkor ha Jowai ha kini ki sngi neidaw wa sih kawi na ki Pump taan um.
Da pyntip u wa neidaw wa dat u pyrthat ha ka 24 tarik uni u bnai da sih ka 250HP Squirrel Cage Induction Motor kawa da booh ha Mupiah, Raw Water Pump House kawa da pynemkaam kam chibynta ka Jowai Water Supply Scheme.
Da pyntip leh wa dang em sa kawi ka Pump tangwa dei bor yong ka samen ym ye ko wow taan kamwa toh u taan kamtæ daw duna i poi ka umkor ha kini ki sngi wow wan hadooh wa ye u pynchna ya ka Pump wa sih.
Chooh chooh da ong wa da leh katwa ye yow pynsmat u chna ya iwa sih yow ye u pynpoi um kamwa jooh.
