Ka Trophy yong ka Senior Men Challengers Cup wa pynman da ka Meghalaya Cricket Association, da pynyoo pyrthai ya ka ha madan MCA Ground, Polo ynne ka sngi. Kani ka Tournament toh kawa daw sdang ha ka 28 tarik wei da man ko kawa nyngkong i sien wa da pynman kam kani hapoh ka jylla.
5 tylli ki dhab kiwa hakhmat dooh ka Meghalaya daw chimbynta ki ha kani ka Tournament. Kiwa yalehke da em ki waroh 75 ngut kiwa da jied da ka MCA katkam i yalehke ha ki National, Domestic wa ki Local League.
Neiliang u MCA Honorary Secretary, u Gideon Kharkongor da pynbna u wa u Captain warim ka India u Mohammad Azharuddin da mynjur u wow wan sakhi ya ka Final.
Ki dhab da e pyrtuid ya ki katkam ki thaw wa pawnaam wa em ha Meghalaya kiwa kynthup ya ka Myntdu Lions (Captain-Dippu Ch Sangma), Umiam Eagles (Raj Biswa), Nokrek Tigers (Sylvester Mylliempdah), Simsang Sharks (Akash K Choudhary) waka Symper Panthers (Kishan Lyngdoh).
Ka yalehke wa nyngkong toh ha pyrdi ka Myntdu Lions waka Nokrek Tigers heipor 9:00 waje i step wei ki yalehke daw pynman 11 sngi.
