Ynne ka sngi ka seiñ Meghalaya People United Front (MPUF) East Jañtia hapoh i yahkhmat u President yong ka, u Kyrshan Blah da e dorkhat ko ha u ka Superintendent of Police ka District heiyatoh wa ka No Entry ya ki kari heh heipor wa man skur ki khynnah.
Neiliang u Superintendent of Police da kular u wow chimkhiah ya ini i kaam.
U Kyrshan Blah da ong u wa lada ym booh ya ka No Entry ya ki kari heh daw booh ko hei maa ya ki khynnah skur kiwa lai wa wan ha kini ki sarokbah.
Ka seiñ da kyntu ko wow leh smat ya ini khnang wow lait na iwon iwon i jia wa sñiawsih kamwa da jooh jia ha ki por nachwa.
