theme-sticky-logo-alt
theme-logo-alt
Advertisement ad1

Mih yaw u Dolloi thymme ka Nartiang deilang u Sordar ki Pator wa ki Wasan

Advertisement ad1

Hadien wa u Salong Lamare da chah jied u kam u Dolloi wa thymme ka Elaka Nartiang haka 25 tarik uni u bnai. Ynne ka sngi won kawa man ka sngi yaw Nartiang da mih pyntipmit u hakhmat ka yaw ka Syiem deilang u Sordar Elaka, ki Pator, ki Wasan wa ki paaid ka Elaka.

Kani toh ka rukom wa jooh leh da waroh ki Dolloi hadien wa cha jied kam u Dolloi wa pura, wei heini i mih yaw da e haroh u ka ngooh ka dem ha u Moopun, kamjooh leh chwa u psiah yaw.

Ha yaw da em ka e Kwai Wata ya u Dolloi, u Sordar, ki Pator, ki Wasan wa kiwi, neitæ won u Dolloi da lai pyntipmit u cha ki paidbah wa chong yaw lai yaw, wei e khublei pyn-ehbok pyn-ehnasib u yaki yow yoh ki dei chait i tram, i man khih man khan haki sngi ki snem wow wan.

Hei yaklam wa u Dolloi ong u yeini da leh yow man ka yaw kawa phooh wa phieñ, kawa em i burom akor kamwa da booh ki waheh wasian nachwa.

Manda poi won u cha yung da pynsait kjat ya oo, wei e Kwai Wata da ki paidbah, ki kur ki kha, kiwa ha yung hasem wa kiwi.

Najrong i synran ki paidbah ka Elaka da emlang leh u Sordar ka Elaka u H. Phalangki, u Pator Kloi Pale, u Pator Kamar u Kat Nongpluh ki Wasan wa kiwi.

Advertisement ad1
Share this:
Previous

Khlaad noh ka Kong Beautyleen Gatphoh

Next

Kyntu ka MPUF wow booh No Entry ya ki kari heh yow yada ya ki khynnah skur