Jop ka Pasyih waka Lumbahdakha ha ka 3rd Division ka WJDSA

Ka 2^nd U Adelbert Laloo Memorial Trophy kawa man leh ka 3^rd Division Football Tournament ka WJDSA dapoi ko cha ka sngi wa soo ynne ka sngi deiwa pynman leh le tylli ki yalehke.

Ha ka yalehke wa nyngkong, ka Pasyih Cultural & Sports Club da jop ko ya ka Royal Pole Mihmyntdu da 2-0 da ki kool wa thap da u Army Siangshai haka minit wa 48 wa u Deivi Rymbai haka minit wa 80+1.

Ha ka yalehke wa ar hapyrdi ka Mukhla Umlangshor pyrchah ya ka Mookyrdup da kut ko da 1-1 heiwa ya ka Mukhla Umlangshor da thap da u Niawkor Sari haka minit wa 48 katwa ya ka Mookyrdup da thap da u Daiar Kamar haka minit wa 66.

Haka yalehke wa le won, ka Lumbhahdakha Wahiajer da jop ko ya ka Mookynphad Mihmyntdu da 3-2.

Related posts

3rd Division EJHDFA: Jop ka Musniang, Narwan wa ka Nongsning

July 3, 2025

Pyndep u Kerlang Tlang ya ka AFC-C License Coaching

July 3, 2025

Ya ka Lumbhahdakha Wahiajer da thap kool da u Augustine Mukhim haka minit wa 13, u Gideon Mukhim haka minit wa 63 wa u Heimonmi Dkhar haka minit wa 75.

Ya ka Mookynphad Mihmyntdu da thap da u Arwanki Rymbai ha ka minit wa 7 wa 30.

Mynstep ki yaleh toh hapyrdi ka Mookaswan Dongwah waka Mupliang heipor 11:00 waje i step, ka Loompyrdi Iongpiah pyrchah ya ka Tpep Pale heipor 1:00 waje i sngi waka Samaro FC pyrchah ya ka Pateinki Sabah heipor 3:00 waje noh chariñ ka sngi.