Ka West Khasi Hills da yoh kow wow psiah Final ha ka Zone 1 ka U-23 Women’s Inter District Cricket Tournament wa pynman da ka Meghalaya Cricket Association deiwa jop 8 Wicket ya ka All Jaintia CA ha Nongstoin ynne ka sngi.
Kani da man ko ka Zonal Semifinal wa ar heiwa ka AJCA hadien wa phah Bat chwa ya ka da kamai ko du 56/8, deiwa boon dooh naka Ritreki Pohshna (11). Kiwa kawang bol ka WKH ka Ridahun Nongsiej (2/3) waka Abiezer Kharsyiem (2/7) da lehbha ki da ka bol.
Hawa kdong, ka WKH da emkaam ko du 6 Over wow jop deiwa yoh ka Sildamicresha Marbaniang 19 na 10 bol heiwa ka Nongsiej da yoh ko yei naam Player-of-the-match.
Haka Zone 2 won, ka Tura District CA waka East Garo Hills ym em yoh ki wow yalehke neidaw wa joor u slap ha Nongalbibra, South Garo Hills.
Haka 2 tarik, ka East Khasi Hills waka West Khasi Hills daw yachem ki ha ka Zone 1 Final wei kiwa jop daw yachem ki waka South Garo Hills haka 5 tarik ha ka State Final.
