Ka West Jaiñtia District Sports Association (WJDSA) hadien ka yalang wa da pynman ha ka 30-10-26 ha Yungwalieh ka Dorbar Chnong Tpep Pale deiwa emlang ki Club wa em hapoh ka Association, da chim kattu katni ki rai heiyatoh wa ki yalehke yong uni u snem wa u snem wow wan.
Heiyatoh wa ki Football Tournament yong uni u snem neibynta waroh ki Division neidaw wa kwa boon kiwa yalehke (Player) da mih ki deiwa psiah noh cha kiwi won ki Association, kamtæ da chem chitom wow yoh Player ha kani ka kynti neidaw wa i por leh wa tbian wow pynman Tournament ha uni u snem wei da jan leh ki Exam ki khynnah skur weiwa kiwa boon kiwa yalehke ki Club leh toh ki khynnah skur, kamtæ da rai wa ha uni u snem 2026 ym pynman de ya ki Football Tournament.
Neibynta won u snem 2027 da rai wow chna da ki yalehke kiwa waroh chi snem ya waroh ki jait yalehke kiwa em hapoh i pynlai ka WJDSA.
Daw pynman leh ya ka AIFF Referee’s Course wa Examination ha ka tayaaw wa nyngkong u bnai December uni u snem katkam wa da e bor da ka Meghalaya Football Association heiwa da phah ya ki Affiliated Club wow phah kamwa ar ngut ki Candidate na kawi ka Club cha kani ka Course deiwa e dei thoh cha u General Secretary ka WJDSA.
Discussion about this post