Kam wa man ha ki snem wa dadep ha uni u snem leh ka Ministry of Education ka sorkar India ha ka sngi Muchai 1 tarik Naitung da pynman biang ko ya ka yalang kyrpang wa tip kam ka Pariksha Pe Charcha 2022 ha Talkatora Stadium New Delhi.
Kani toh ka yalang kawa u Prime Minister ka ri, u Narendra Modi u yaklam ya kappe wei u sneiñ, u kroo, u e buit e budia u ya ki khynnah skur hajrong ki 6 tylli ki phang kiwa ong kamni, Exam Stress Management Strategies during COVID 19, Azadi Ka Amrit Mahotsav, Self-reliant School for Self-Reliant India, Clean India-Green India, Digital Collaboration in Classroom wa ka Environmental Conservation and Climate Change Resilience.
Najrong kini ki mat chooh chooh ha kani ka yalang iwa sñiawsuk leh u sakhi wa da em kawi ka khynnah skur yong ka JNV Mawphlang kawa da yoh laad u embynta hei wow kylli næ paan pynche na u Prime Minister chaphang ka thong yong ka National Education Policy.
Ha West Jaiñtia Hills kiwa boon ki khynnah skur wa kiwa sikai leh da yachimbynta ki hei wow sakhi wei u ap u sñiaw yei klam i kappe yong u Prime Minister.
