Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA dapoi ko cha ka sngi wa san ynne ka sngi deiwa pynman leh le tylli ki yalehke.
Ha ka yalehke wa nyngkong, ka Mupliang da jop ko ya ka Mookaswan Dongwah da 3-1.
Ya ka Mupliang da thap kool da u Dering Phawa haka minit wa 2, u Elijah Ryngkhlem ha ka minit 7 wa u Emi Ianga Phawa ha ka minit wa 25.
Ya ka Mookaswan Dongwah da thap da u Jeremiah Biam ha ka minit wa 29.
Ha ka yalehke wa ar, ka Tpep Pale da jop ko ya ka Loompyrdi Iongpiah da 1-0 lyngba ka kool wa thap da u R Daosakhiat Syngkon ha ka minit wa 39.
Ka yalehke wa khaddooh won hapyrdi ka Samaro waka Pateinki Sabah da kut ko da 0-0.
Mynstep ka yalehke u man ko hapyrdi ka Riatsaliya Mihmyntdu waka Khliehmuchut Shangpung heipor 11:0 waje i step, ka Nangbah Khloopano u yachem ko waka Mawsiang FC Nongkhroh heipor 1:00 waje i sngi katwa heipor 3:00 waje won ka Nangbah Mooknor daw yachem ko waka Iooksi Youth Welfare.
