U Montri ka sorkar pyrdi wa pait ya ka Road Transport & Highways, u Nitin Gadkari da pynbna u wow chna 27 tylli ki sarok hapoh ka jylla Arunachal Pradesh kiwa da dep mynjur hapoh ka Central Road & Infrastructure Fund (CRIF).
U Gadkari ha ka chithi wa thoh u cha u MP ka Arunachal Pradesh, uwa man leh kam u Montri ka sorkar pyrdi wa pait ya ka Law & Justice, u Kiren Rijiju da ong u wa ki sarok man ki kam i phñiang ka roi ka paar wei ka sorkar leh kreh ko neibynta ini wei da sdang leh boon ki kreh yow chna ki sarokbah namo ki Highway yow pynabi ya ki thaw wa em cha kdong cha chmiang ka thaaiñ Northeast.
Ka poisa wa da booh wow chna ya kini ki 27 tylli ki sarok dapoi ko hadooh T. 553.48 klur wei jrong ki deiwa kheiñlang waroh 294 Km.
Kawa jrong dooh na kini toh kawa 28 Km kawa na Pitapool hadooh Kyunloi kawa daw chna hei lut wa T. 24.67 Klur.
Daw chna leh ya ka yingkieñ kawa jrong 100 Meter wa lai najrong ka wah Bichon ha u sarok NH-13 ha West Kameng District wa sa kawi ka yingkieñ najrong ka wah Siang ha Kammuk yow pynyabi ya ka chnong Boleng wa Rasing hadooh Baabo ka Siang District.
Kiwi de ki sarok toh ar tylli ki sarok PMGSY kiwa jrong 6 wa 8 Km kiwa chongdor T. 16.98 klur wa T. 19.77 klur kiwa ha Upper Subansiri District.
