U Home Minister heijooh i por leh u Minister of Cooperation, u Amit Shah da chongknor u ya ka yalang wa 37 ka Parliamentary Official Language Committee ha New Delhi ynnin ka sngi. Da emlang leh ki Montri khynnah ka chnat Poh Yung wa kynthup ya u Ajay Kumar Mishra wa u Nishith Pramanik, u Vice-Chairman ka Official Language Parliamentary Committee, u Bhritahari Mahtab wa kiwi de ki dkhot ka Committee.
Ha kani ka kynti, u Home Minister da mynjur u wow phah ya ka bui (Report) ka thup wa 11 (11th Volume) yong ka Committee cha u President ka India. U Amit Shah da ong u wa i rukom krehkaam ka Official Language Committee katni toh i wym jooh yoo nachwa neibhah da phah Report la le sien cha u jooh u President ka India wei ini toh i wym jooh em ye u leh nachwa.
U Amit Shah da klam u leh hajrong ki 3 tylli ki phang kiwa ka Committee da paan ko wow pynman yalang ha u Naiynñiaw yow pynkrehkam ya iwa da tyrwa iwa da em ha ka 1st hadooh 11th Volume ka Report. U Shah da pyntip u wa u Secretary ka Official Language Committee toh u pyntip u cha ki dkhot yei pynkrehkaam katkam ka thup.
Wa ar won da ban joor u yow e sikai Hindi hadooh Class 9 wei wow pynlut por yow pait yei rukum pynman Exam neibynta kiwa sikai Hindi.
Hapoh ka phang wa le, u Amit Shah da e buit u wow pynmih thymme biang ya ka Hindi Dictionary deiwa puræ biang ka deiwi. Da phah u leh cha waroh ki Secretary wow chna da ka Implementation Committee yow pait yei pynkrehkaam yeiwa da tyrwa da ka nadooh ka thup wa nyngkong hadooh ka thup wa 11 ka Official Language Committee Report.
U Amit Shah da khana u leh wa u Prime Minister, Narendra Modi da rai u leh wa ktien yow pynlai ya ka sorkar toh da ka Hindi yow pyman yeiwa emkaam wow pynemkaam ya ka ktien Hindi. Da ong u wa ka Hindi kam ka Official Language da toh por wow pynemkaam ya ka yow pynyatylli ya ka ri. Da ong u wa hawa kiwa chong chnong ki jylla kiwa klam ya kiwa boon ki jait ktien manda yaklam ki wa kiwi toh u pynemkaam ki da ka ktien yong ka India. Da ong u leh toh u pdiang da ka Hindi kam ka ktien yaklam heithaw ka English. Chooh chooh da ong u wa ka ktien Hindi lada ym rap pynkyllooid ka deiwa pdiang ya ki kyntien na kiwi ki ktien ym ye wow pynypoor ya ka.
Da khana u leh katni wa 70% ki kaam namo ki Agenda ka Cabinet da pynkhreh ha ka ktien Hindi. Chooh chooh da em 22,000 ngut kiwa sikai Hindi kiwa da thung kreh ha ki 8 tylli ki jylla ka thaaiñ North East. Wei da em leh 9 jait ki jaitbru ri-loom kiwa da pynkylla ya ki dak thoh ki deiwa pynemkaam da ka Devanagari. Wei waroh 8 tylli ki jylla ka North East da mynjur ki wow pynman ya ka Hindi kam ka Compulsory Subject ha ki skur hadooh Class X.
