theme-sticky-logo-alt
theme-logo-alt
Advertisement ad1
Advertisement ad1

Chah Suspend ka Russia na ka UNHRC, dam biang ka India wow thap Vote

Advertisement ad1
Advertisement ad1
Advertisement ad1

Hadien wa sdang randien ki chipai ka Russia na Ukraine, da sdang mih pyrthai wa pynbaad wa ka Russia da leh ko ya ki kaam pyrchah aiñ namo ki War Crimes ha Ukraine, khamtam wa tynyap ko ya ki bru paidbah kamjooh i chem ya ki thaw tlep-bru (Mass Grave) ha Bucha.

Ynnin ka United Nations General Assembly (UNGA) da pynman ko ya i thap Vote wow beh chipor (Suspend) ya ka Russia kam ka dkhot ka United Nations Human Rights Council (UNHRC). 

Advertisement ad1

Ya ini i thap Vote wow beh chipor ya ka Russia da wanrah da ka United States (US) wa ki kattu katni ki ri sepsngi wa kynthup ya ka Ukraine. 

Waroh da em 93 tylli ki ri kiwa da kyrchaan ki wow beh chopor (Suspend) ya ka Russia, 58 tylli kiwa kyntait (Abstain) u Vote, wa 24 tylli ki ri kiwa pyrchah ya ini i thmu beh ya ka Russia.

Ka India da dam biang ko wow Vote hajrong kiwon kiwon ki kaam wa yatoh wa ka Russia khamtam nadooh wa sdang ya ka thma Ukraine, wei ha kani ka kynti heiyatoh wa i chah tynyap ki bru paidbah ha sor Bucha da India da pynsñiaw ko yei mynsien wa khia. 

Neiliang uwa mihkhmat ka India, cha ka UN, u TS Tirumurti, da ong u wa heiyatoh wa ka Ukraine, ka ri India da yieñ wei da ban joor ko wa emkaam i chongsuk, i klam yasuk kamjooh leh i yakrehlang hapyrdi ki ri khlem em iwon iwon i ya mynsoo wa i dooh ya ki mynsien bru wa kordor wei da ban wow wanrah noh ya i yasuk kawa ye wa smat. 

Share this:
Previous

Waroh 8 tylli ki jylla ka North East da mynjur wow sikai Hindi hadooh Class X: Amit Shah

Next

Nadooh 25 tarik dooh bordiñ ka thaaiñ War Jaiñtia, chah ktah kiwa yaleh Exam