U Montri Rangbah ka Meghalaya, u Conrad K Sangma ynne da ong u wa ka India kam ka ri emkaam ko wow pynwandur wei wow yahluti ko ya ki khynroo khnang wow ye ki wow pynpoi ya ka ri chaphrang.
Hawa e yei klam ha ka 43rd Annual College Day ka Loyola Academy, Hyderabad, u Conrad da ong u wa ki khynroo khyllood man ki i bor ka ri, wei lada ye wow yahluti ya ki daw man ki ka kabu ya ka mynried tangwa lada chah yah ki ha ka luti wa bakla daw man iwa sih tam ya ka ri.
Da yaroh u leh ya ki thaw puræ kam ka Loyola Academy wa da e ko i stat ya ki khynroo ka ri deiwa ong wa kam uwa mihkhmat paidbah emkaam wow yaklam u yajan wa ki neibynta i bha i miat ka mynried ka ri.
Ha ini i lai u Conrad cha Hyderabad, da yachem u leh ya u Montri ka ITE & Communications ka Telangana, u KT Rama Rao.
U Conrad da ong u wa hawa yaklam u wa u Rama Rao hajrong ka karkhana Apple kawa kamai 3 Trillion Dollar, u Conrad da ong u wa ka Apple khih ko hadooh 3 Trillion Dollar katwa ka GDP ka India won ym em tang u kynjoh ko ya ka 3 Trillion wei ka ri em ko 1.2 Billion ngut ki bru. Kamtæ emkaam wow pyrkhat wei wow kreh chirup khnang wow ye u rah ya ka ri chaphrang.
