Ki pulit ka Meghalaya da yoh ki wow kem ya ki dkhot ka Lawei Ba Phyrnai na Shillong ynne ka sngi.
Ki pulit ym pu bien ki wow khana katwon ngut tangwa katkam ka khubor wa yoh lum da em kiwa ong wa da yoh kem arngut wei ka takit dang lai ko chakhmat wei neiliang ki pulit daw pyntip ki deiwa rap bniah rap chibet.
Kam wow pynkynmoo wa ka Lawei Ba Phyrnai da pteiñ ki wow phah email deiwa maham ya u Montri Rangbah ka jylla, u Conrad Sangma heiwa hadooh ynne i step leh phah biang ki deilang wa i dur ka suloi waka pistol kiwa ym pu ye u pyntikna wa toh ki yong kani ka seiñ.
Ha ka email wa da phah ynne da kam wa dadep ki wow lai pait yei yung krehkaam u Montri Rangbah yow jied heiwon u booh bomb heiwa da pynsñiaw ki yei chrai wym em bien u Conrad wow jubab ya ki email yong ki.
