Jop ka Ksehsylle Ialong waka Lumchyrmang Mihmyntdu ha ka 3rd Division ka WJDSA

Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.

Ka yalehke wa nyngkong hapyrdi ka Mulang Ialong waka Loompyrdi Iongpiah da kut da 0-0.

Ha ka yalehke wa ar won, ka Ksehswylle Ialong da jop ko ya ka Samaro da 2-0 da ki kool wa thap u Deibor Bareh (OG) ha ka minit wa 33 wa u Sunidonhi Rymbai haka minit wa 63.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ha ka yalehke wa khaddooh, ka Lumchyrmang Mihmyntdu da jop ko ya ka Riatsaliya Mihmyntdu da 3-0 da ki kool wa thap u Freddy Chyrmang haka minit wa 1, u Shngain Phawa haka minit wa 62 wa u Kerlang Kyndait ha ka minit wa 80+2.

Mynstep ym pynman yalehke heiwa daw pteiñ ha ka 16 tarik hapyrdi ka Mupliang waka Catholic Youth Mihmyntdu heipor 11:00 waje i step, ka Tpep Pale waka Pamanik heipor 1:00 waje i sngi, iwa pynkut da ka Lumbahdakha Wahiajer waka Mookaswan Dongneiñ heipor 3:00 waje noh chariñ ka sngi.