theme-sticky-logo-alt
theme-logo-alt

Sñiawkhia u MP yei wym biang ki thaw puræ, ki thaw sumaar ha Kongthong

U Rakesh Sinha uwa man kam u Rajya Sabha MP, uwa da jied (Adopt) wow pait ya ka chnong Kongthong da pynsñiaw u yei sñiawkhia yei joor wa ban ka dooh ka duk ha kani ka chnong, i wym biang ki thaw puræ kamjooh ki kari kamai ha kani ka thaaiñ heiwa da lai hiar u cha kani ka chnong ynnin ka sngi.

Hawa yaklam wa kiwa thoh khubor ynne ka sngi ha Shillong, u Sinha da ong u wa kini ki bru toh u sñiawthooh ki yei bor ka synchaar paidbah neibhah kamwa man katni da tip ki du wow thap Vote man ka san snem wei ym tip ki yei hok yong ki hadooh wa ya kiwa mihkhmat yong ki

Da kdaw u leh yei wym em ki thaw sumaar hajan kani ka chnong heiwa neiliang u MP da ong u wa daw sdang da ka Virtual Clinic ha uni Naisan yow yoh ki tang wow yaklam wa ki Doctor deiwa pynbiang leh ya ki dawai.

U Sinha da khana u wa daw chna u da ka Cooperative Society ha Kongthong kawa daw kynthup lang ya 18 tylli ki chnong.

Da pyntip u wa lyngba kani ka Cooperative Society daw dai saroo, umngap wa u pathi.

Da ong u wa kini kiwa chong chnong toh kiwa da chah chim kabu heiwa u saroo katni i dor u toh T. 13,000 chi Quintal.

“I dor da ku nadooh wa klam ya kani ka phang. Nachwa ini da dai hei dor wa T. 9,000-10,000. Uwi u saro da yoh ki T. 10-15 tangwa da dai ha Shillong hei dor wa T. 90-130. Wei ini deiwa jngai du 60 Km da ku wot i dor. Deiwa em kani ka Cooperative Society daw yarap ko yei yoh i kot kini kiwa chong chnong,” da ong u Sinha.

Da pyntip u leh wa daw jied u sa le tylli ki chong hapoh i pait yong oo kitæ ka Mawmang, Mawsohmad wa ka Sder kiwa em hajan Kongthong, East Khasi Hills District.

Share this:
Previous

Jop ka Ksehsylle Ialong waka Lumchyrmang Mihmyntdu ha ka 3rd Division ka WJDSA

Next

Ym em phah ka sorkar India ka hukum wow pynemkaam da ka ktien Hindi: Lahkmen