U Montri Rangbahdooh ka ri England, u Boris Johnson daw wan u cha India ha kani ka 21 tarik wow yachem wa u Montri Rangbahdooh ka ri, u Narendra Modi.
Kani man ko ka sien wa nyngkong wa u Boris Johnson u wan u cha India nadooh wa man u kam u Montri Rangbahdooh ka England.
Katkam ka yutip wa da yoh da ong wa ha ini i wan u Boris daw yaklam ki wow pynyajan i maya lok hapyrdi ka England wa ka India.
Da ong leh wa i wan yong u Johnson toh wow pynkhlan ya i yatoh wa ki kaam yada ri (Defence) wa i khayi pateiñ (Economy).
Ini i wan u Boris da man i hadien wa wan ki heh ki ri ka pyrthai cha India khamtam hadien wa sdang ka thma Ukraine heiwa ka India da rai ko wow yieñ hapyrdi khlem yachah ya kawon kawon ka liang.
