Ka Meghalaya da jop ko ya ka yalehke sdang yong ka ha ka Group A ka Senior Men’s National Football Championship ka Santosh Trophy deiwa jop da 3-2 ya ka Rajasthan ha Kottappadi Football Stadium, Kerala ynne ka sngi.
Ka Rajasthan da yoh ko wow thap kool nyngkong lyngba u Youraj Singh tangwa u Man-of-the-Match, u Figo Syndai da su u ar kool ha ka kylla step ya ka Meghalaya.
Ka Rajasthan da ye ko wow su kylliang lyngba u Imran Khan heiwa Captain ka Meghalaya u Hardy Cliff Nongbri da yoh u wow thap ya ka Penalty ha ka minit wa 64 yow pyntam biang ya ka Meghalaya.
Kani da man ko ka kool wa khaddooh iwa da pynman ya ka Rajasthan wow rem ko la arsien hapoh ka Group A kawa emlang leh ki Champion warim kitæ ka West Bengal, Kerala wa Punjab.
Ka Meghalaya kattu daw yachem ko waka Kerala ha ka 20 tarik heipor 8:00 waje i miet.
(Ha i dur- U Figo Syndai)
