Ynne ka sngi ar ngut da ngam um ki iwa da jai ha ar tylli ki thaw ha East Garo Hills District heiwa yei metyap yong uwi da chem katwa ya uwi won dang thooh.
Heipor step u khynnah wa dang 16 snem uwa tip kam u Niksrap Sangma 16, uwa na Gondengre da lai u cha i thaw wa tip kam i Rongkhem harood ka wah Simsang i thaw wa ka-it bha ki bru wow lai baam-doh wei ym chem de oo heiwa da suba wa da ngam u. Ki bru ka Fire Service Rescue Team da lai ki cha ini i thaw yow thooh ya uni u khynnah tangwa neidaw wa joor u slap wei wa kmai ka um da chem chitom wow thooh ya oo.
Ha iwi won iwa jia ynne hi, uwi u bru wa tip kam u Senja D Shira uwa em kamwa 25-30 snem i rta wei uni u bru toh uwa na Chitukona Damas, North Garo Hills District, da khlaad u hadien wa ngam um u ha ka wah Chichra Manda wa em khappood ka East wa North Garo Hills.
Ki pulit da tip ki ya ini heipor 2:00 waje i sngi heiwa da lai ki wut wut cha ini i thaw heiwa da chem yei metyap.
Kiwa sakhi da ong ki da lai yimpa u deiwa ngam poh wei ym em de mih u.
Neiliang ki pulit da kyntu ki paidbah wow yait nei lai cha ki um ki wah ha kam kini ki por wa dang joor u slap.
