Ka Ri-Bhoi da jop ko da 4 Wicket ya ka Shillong Cricket Association (A) ha ka Zone 1 ka Inter District U-19 Boys Cricket Tournament kawa da sdang ynne ka sngi ha Khliehtyrchi wa pynman da ka All Jaintia Cricket Association neibynta ka Meghalaya Cricket Association.
Ka SCA (A) da kamai ko 117/10 tangwa da hap pynkylla cha 99 na 20 Over neidaw wa slap heiwa ka Ri-Bhoi da ye ko wow pynjop deiwa dooh 6 Wicket tangwa da jop na ka bol wa khaddooh.
Ya ka kylla khlem da jop da ka Shillong kawa da jied wow Bat nyngkong heiwa kiwa Bat nakhmat ym ye ki wow kamai bha kat hadooh wa wan kiwa Bat cha pyrdi heiwa u Shavian Blah (11) wa u Navin Kumar (24) da ye ki wow pynim yei kamai Run. Uwa Bat hei chiphaw wa khatwi kitæ u Charm Marbaniang (16) wa u Josiah Wanniang (10 Not Out) da yarap ki pynyoh Run.
U Md Siraj Ali da lehbha u da ka bol deiwa yoh 4/33 na ki 6 Over katwa u Banialam da yoh u 2/26.
U Ali da yoh u leh 21 Run da ka Bat iwa da yarap yow pynjop wei da yoh u leh yei naam Player-of-the-Match. Tangwa u Banialam uwa yoh 15 Not Out hawa kut da pynjop u ya ka Ri-Bhoi heiwa da dat u leh ka 6 Run waka 4 Run na ki ar tylli ki bol wa khaddooh yow pynjop ya ka liang yong oo.
