Jop ka Madankynsaw, ka Maitchaphrang waka Madan Muthlong ha ka 3rd Division ka WJDSA

Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.

Ha ka yalehke wa nyngkong, ka Madankynsaw Mookyndeng da jop ko yaka Mookaswan Dongwah da 2-1.

Ya ka Madankynsaw Mookyndeng da thap kool da u Ferdinand Sayoo haka minit wa 17 wa u Riolanroy Suchiang haka minit wa 61. Katwa ya ka Mookaswan Dongwah da thap da u Jeremaiah Biam ha ka minit wa 14.

Ha ka yalehke wa ar, ka Maitchaphrang Mootyrchiah da jop ko ya ka Samaro da 3-0 lyngba ki kool wa thap da u Sambor Tang haka minit wa 50, u Batskhem Dkhar haka minit wa 61 wa u Hun Chadap ha ka minit wa 72.

Related posts

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Poi noh ka Baby League ka East Jaiñtia cha wakut

May 10, 2025

Ha ka yalehke wa khaddooh, ka Madan Thadmuthlong da jop ko ya ka Lumpyrdi Iongpiah da 5-1.

Ya ka Madan Thadmuthlong da thap kool da u Precious Tang ha ka minit wa 13 wa 14, u Manhok Suchiang ha ka minit wa 66 wa 67 wa u Sooki Papiah ha ka minit wa 74. Katwa ya ka Lumpyrdi Iongpiah da thap da u Rimiki Nongrum ha ka minit wa 47.

Mynstep ka 21 tarik daw pynman biang le tylli ki yalehke kiwa daw sdang daka Riatsaliya Mihmyntdu waka Lumkhangdong Kyndongtuber, ka Nangbah Mooknor waka Khliehshnong Ialong heipor 1:00 waje i sngi wei daw pynkut daka Nangbah Khloopano waka Myrjai heipor 3:00 waje noh chariñ ka sngi.