theme-sticky-logo-alt
theme-logo-alt
Advertisement ad1
Advertisement ad1

Ngat lang ka KSU Moopyut wa ki 7 chnong wa pyrchah yei noh jhep ha Mynkjai hapoh ka Mukotduma i jhep Jowai

Advertisement ad1
Advertisement ad1
Advertisement ad1

Heiyatoh waka mukotduma PIL wa da yaleh daka Synjuk Ki Waheh Chnong Jowai hajrong i jhep wa da sah khlem kit de da ka Jowai Municipal Board (JMB) iwa em ha Iawmusiang kamjooh ha ka chnong Jowai waroh kawi.

Ynne ka sngi, ka High Court ka Meghalaya da chong bichaar biang ko ya kani ka PIL yow ap yeiwa jubab ka JMB kawa da ong wa neidaw wa pyrchah wei da pyrchang khang da ka KSU Moopyut deilang wa ki 7 tylli ki chnong wa kynthup ya ka Pynthor Langtein, Umsalang Skhenpyrsit, Moopyut, Madan Tyrpait, Moosakhia waka Sohmynting yei noh jhep ha i thaw wa em ha Mynkjai da wanrah ko yei eh heiyatoh wow yoh thaw noh jhep.

Advertisement ad1

Da pyntip leh wa da sangeh yei noh jhep heini i thaw hadien wa kut i paan por wa le bnai yow thooh thaw noh jhep cha iwi tawon i thaw tangwa ka Task Force Committee wa kynthup lang ya ka Urban Affairs Department ka jylla deilang waka Jowai Municipal Board ym ye ki wow pynyoh thaw deiwi kamtæ da sangeh sbak i kit yei jhep.

Ka yung bichaar da ong ko waka jylla Meghalaya da sait ko yei kti hajrong ini i kaam kamwa da jooh leh ko ha kiwi ki kaam deiwa ong wa ym embynta ko ha ini i kaam. Kamtæ ka yung bichaar da ong ko wa da yoomaa i lang i jhep ha chnong Jowai kawa man leh kam kawi na ki chnong wa heh emkaam ka jylla wei ini ye ko wow wanrah leh ki kjut wa boon jait katwa ka sorkar chong pynskit kti donhi ko.

Kamtæ neiliang ka High Court da chim ko ya ka rai wow thap lang ya ka KSU Moopyut, u Waheh Chnong wa ki 6 tylli kiwi ki chong wa da dep kdaw wow embynta lang ha kani ka mukotduma.

Neiliang ka JHADC da ong ko wa ki kot ki sla heiyatoh wa kani ka mukotduma ym pu em poi cha ka kamtæ daw phah cha u muktiar yong ka.

Da phah ya ki heh sorkar waka District Council wow yachem wei wow tyrwa ki kammon u leh yow ye u kit ya i jhep na Jowai ym du yei khooid kamjooh leh yow lait u sdang mih ki kjut (Water Borne Diseases) neibhah u slap toh uwa da hiar da boon sngi.

Ya kani ka mukotduma u chong bichaar biang ha ka 22 tarik.

Share this:
Previous

Jop ka Madankynsaw, ka Maitchaphrang waka Madan Muthlong ha ka 3rd Division ka WJDSA

Next

Da khut ya kiwa kwah yoh sikai yow man kam ki Security Guard