Ka seiñ FKJGP South Eastern Border Area (SEBA) Circle (Elaka Lakadong & Rymbai) da e khublei kyrpang ko ya uwa mihkhmat ka thaaiñ, u Kyrmen Shylla uwa man leh kam u Montri sorkar yei kreh chitom u wow thooh ki laad wow pynsñiaw cha ka sorkar jylla wa sorkar pyrdi yow chna pynbha ya u sarok Rymbai-Bataw-Borghat-Jalalpur (RBBJ) Road lyngba ka Central Road Infrastructure Fund.
Ka seiñ da jooh pynsñiaw ko neipor cheipor cha uni uwa mihkhmat yei emkaam wow thooh ki laad ki luti wow chna rap bha ya uni u sarok neibhah wa man u u budloom ka roi ka paar yong ki chnong kiwa sah cha kani ka thaaiñ wei kam ka seiñ kawa pait yei bha i miat, ka sñiawkmen ko hadooh kattæ kattæ yei yoh u tip wa ka sorkar pyrdi lyngba ka Ministry of Roads Transport & Highway (Zone North East) da bhah ko ya ka mang tangka kawa T. 24.160 klur yow pynchna pynbha ya u sarok RBBJ Road iwa jrong 30 Km nadooh Rymbai ter ter wei yeini da pyntip leh cha u Secretary, Public Work Department (R&B) yong ka sorkar jylla Meghalaya ha ka 30-03-2022.
Ka seiñ da ong ko wa ya uni u sarok ini wadep da pynchna yow suk ki paidbah lyngba u Kyrmen Shylla wa da joor sih u wei katni hadooh katwon wa sñiawkmen wow tip wa da yoh ya ka mang poisa yow pynchna ya uni u sarok ha ki bynta wa nadooh ka 8 Km hadooh 37 Km.
Ka seiñ da ong ko leh wa daw pait bniah bha ko yei pynkreh ya uni u sarok yow man u katkam i angnood ki paidbah ka thaaiñ.
Puræ leh: E khublei ka JSU ya u Kyrmen Shylla wa da chimkhia wow chna ya u sarok Rymbai-Borghat
