theme-sticky-logo-alt
theme-logo-alt

Santosh Trophy: Rem ka Meghalaya haka West Bengal da 4-3

Kiwa yalehke ka Meghalaya da e lut ki waroh ha i rem ynne da 4-3 ha ka West Bengal ha ka yalehke ka National Football Championship ka Santosh Trophy ha Kottappadi Football Stadium ha Kerala ynne ka sngi.

Ka Bengal da pyntam ko le sien heiwa ka Meghalaya da su kylliang ko ha waroh le sien tangwa manda poi ha ka sien wa soo ym ye de ki wow yoh laad u su kylliang.

Ka West Bengal da thap nyngkong ko ha ka minit wa 23 heiwa u Sangti Janai Shianglong da su kylla u ha ka minit wa 40. Ha chwa u kut ka ka kylla miet ka Meghalaya da chah thap biang ko lyngba ka Penalty.

Ha ka kylla miet, u Shano Tariang da yoh u wow thap ar kool ha ka minit wa 46 tangwa ka Bengal da pyntam biang ko hadien 3 minit.

Ka kool wa ar u Tariang haka minit wa 65 da pynryngkat da 3-3 tangwa ha ka minit wa 65 ka West Bengal da pyntam biang ko hei sien wa soo ha ka minit wa 69.

Ka Meghalaya da yohlaad ko wow su kylliang biang ha ka Penalty wa yoh Hanball ha ka minit wa 85 tangwa u Captain Hardy Cliff Nongbri ym ye u wow thap.

Ka Meghalaya da yoh ko kattu 4 Point na ki 3 tylli ki yalehke wei daw yachem ko kattu waka Punjab haka 24 tarik heipor 8:00 waje i miet wei emkaam ki wow jop yow emlaad wow lai chakhmat.

Share this:
Previous

Jop ka Mupliang, ka Mookyrdup waka Lumbhahdakha haka 3rd Division ka WJDSA

Next

Sñiawkmen ka FKJGP wa da e poisa ka sorkar yow pynchna ya u sarok Rymbai-Bataw-Borghat-Jalalpur