Pyrchah ka Darrang Tourism and Development Society yei thmu wow kyrriah kaam ya u DC

Jowai : Ka Darrang Tourism and Development Society da pynsñiaw ko yei pyrchah joor ko ya ka khubor wa ong wa ye u DC ka West Jaiñtia Hills District u chah kyrriah kaam ha ka nongrim wa oo da wanrah u ya i boon i bha i miat hapoh ka district.

Da ong leh wa da pynbha pynmiat u yei krehkaam ka CHC, ki PHC, Midday Meal, ki kaam uiñsawari wa kiwi kiwi, wei ka seiñ leh da phah nujor ko ya ki paidbah wa kiwi ki DC kiwa rim yow bichaar yei wa da ye u Arunkumar Kembhavi u leh.

Ka seiñ ong ko wa ki DC wa nachwa ym jooh hiar kjat ki cha ki chnong wa em cha kdong cha chmiang wei katni ki paidbah leh da che ki ya kiwa boon jait ki scheme yong ka sorkar nadooh wa wan yachem u wa kiwa boon ki tre chnong,

Kamtæ ka seiñ da beiñ joor ko yei thmu ka sorkar wow kyrriah noh ya u DC.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kani toh katkam ka khubor wa phah da u Chairman ka seiñ u ma R. Kongwang.