Ha ka Dorbar Chiteiñ Snem ka chnong Lapangap, katkam wa pyntip da kiwa chong chnong, da yut nadooh u Waheh Chnong, u Chairman Chnong, u Assistant Waheh Chnong wa ki dkhot ka Executive Committee ka chnong.
Katkam ka khubor wa da phah da uwi na kiwa chong chnong ka Lapangap, da ong wa da jooh khut pynman dorbar ar sien chi snem kawi toh ka dorbar chiteiñ snem wa ka dorbar kut snem wei ha kani ka dorbar wa da khut pynman kattæ toh yow yoh leh u yaklam heiyatoh kawi na ki phang kawa yatoh wa u Loom Pynthor Lapangap wa da yoh ki Karbi u rep.
Ya kani ka Dorbar Chiteiñ Snem da khut wow pynman da ka EC ka chnong ha ka 23 tarik uni u bnai heiwa kiwa yahkhmat chnong leh da wan ki tangwa manda poi yaklam heiyatoh u Loom Pynthor Lapangap da mih ka awri awra.
Kiwa chong chnong da ong ki wa kammon ka EC da mynjur ko ha ka 02-06-26 ha ka yalang wa da pynman ha Tahpat Police Camp, Assam wow chah ya kiwa chong chnong ka Tahpat wow rep ladaw, satrooiñ, syiñ wa kiwi de ha ki khlieh loom wa chariñ loom ka pynthor.
Da pyntip wa hawa yaklam yeini wa chim rai da ki kattu katni ngut wow chah u rep ki Karbi, da yut noh kiwa yahkhmat chnong neidaw wa kam ka chnong da pyrchah ko yeini i wan rep kiwa na chnong Tahpat wei da chim rai khlem da tip ka chnong.
Ha kani ka dorbar, ki paidbah da booh tarik ki wow lai pynsangeh yei thung satrooiñ ki Karbi ha Loom Pynthor Lapangap tangwa kiwa pynlai chnong won ym em chim ki yeini i rai iwa da pynchrai ya kiwa chong chnong heiwa da yut syndet ki.
Discussion about this post