Ka Meghalaya da rem ko ha ka yalehke wa khaddooh yong ka ha ka Elite Group A ka Women’s Senior T20 League pyrchah ya ka Andhra Pradesh ha Puducherry ynne ka sngi.
Hadien wa jop ya ka kylla-khlem, ka Meghalaya da jied ko wow kawang bol nyngkong heiwa da yoh ko wow pynhaap 7 tylli ki Wicket ka Andhra Pradesh kawa da kamai 162 na ki 20 Over heiwa ha iwi i por da yoh ko 87/5.
Ka Deiphibapynshngain L Mawnai da lehbha ko da ka bol deiwa yoh 3/26, ka Ajima Sangma da yoh ko 2/27 katwa ka Debasmita Dutta 1/36.
Ka Suriti Kumari Ray da dat ko 4 tylli ki Run deiwa kamai 18 Run tangwa ka Meghalaya da ye ko wow kamai du 51 Run deiwa dooh lut ya ki Wicket iwa da pynpoi chei wa kut ka lai luti ka jylla ha kani ka lympung.
