U Montri Rangbah ka jylla, u Conrad Kongal Sangma, da ong u wa i kaam yakhle toh iwa da em chwa ha ka jylla kattu la 25 snem, wei ka sorkar katni da khreh ko wow chim ya ki laad wa thymme chirup wa ki kyndon.
U Conrad da ong u wa wot hadien wa em ki, tangwa waroh chi kattu ym jooh em ki kyndon næ ki aiñ wow khoom u kdoh ya ki wei da emkaam wow pynlai ryntih noh ya ki, khnang wa ka jylla u yoh dan ko deiwa bha.
Hawa kyruiñ won cha ka thaw yakhle namo wow wanrah da ka Casino, u Conrad da ban biang u wa ka sorkar emkaam ko wow pynmih ya ki laad wow yoh dan khnang wow ye u pynmih poisa iwa emkaam wow su ya ka tulop yong kiwa kreh sorkar.
Chooh chooh da ong u wa khnang wa kam kini ki kaam ym riñ ki ya ki khynroo khyllood wei ym ktah ko yaka imlang sahlang wa kiwi tawon, ka sorkar u booh ko kam kini ki thaw yakhle toh ha khappood wa ka Guwahati, Assam wei emkaam wow man ki palat ya ka thaaiñ Khanapara wa Byrnihat, neibhah kam kini ki thaw yakhle em yaw ki cha kam kini ki thaw wei man ki kiwa chongchit bha.
