Kam chibynta ka North East Festival, 2022 waka Azadi Ka Amrit Mahotsav kawa man leh kam chibynta i lehkmen dap 75 snem ka ri, ka yung krehkaam ka Deputy Commissioner, East Khasi Hills District da pynman ko ya ka SHG Mela cum Financial Literacy Camp ynne ha Tirot Sing Memorial Secondary School, Mawkdok hapoh ka Khatarshnong-Laitkroh C&RD Block, East Khasi Hills.
Ha kani ka sngi, u Gavin M Mylliem, MLA da wan u wow wai ya kani ka Mela kam u kongsan deiwa emlang ka I Laloo, DC East Khasi Hills kam ka symbood kongsan.
Hawa e yei ktien wai phang, u Gavin M Mylliem da ong u wa ka thong kani ka sngi toh wow e rynsan ya ki SHG yow pynyoo rong ki ya ki mar ki mata yong ki kiwa rap phær na kiwi kamjooh yow yoh u yachem para SHG yow ya e buit lang. Da ong u wa ka Khatarshnong-Laitkroh Block toh kawa em boon bha kiwa uiñke suwari kiwa wan cha ka wei toh u chim kabu yeini deiwa thooh buit kammon wow dai yei mar yong ki deiwa chna ya ki mar wa rap kyrpang yow ye ki wow yoh nong kamjooh yow ye ki wow im-ja na ka khih kawa neh slem.
U Mylliem da kyntu u leh ya ki paidbah wow wan ki chakhmat yow yaleh Aadhaar neibhah wa yoh myntoi na kiwa boon ki Scheme sorkar. Da pynchlur u leh wow chimbynta bha ha kani ka pynsñiawthooh chaphang ki kaam poisa poilaiñ yow sñiawthooh ki ya ki laad yarap poisa kam ki ram wa khlem sut wa kiwi kiwi de iwa daw yarap bha ya ki.
Ha kani ka sngi, da saam leh ya ki Cheque wa chongdor T. 10 lak cha ki 10 tylli ki Village Organisations (VOs) hapoh ka Vulnerability Reduction Fund wa T. 22.5 lak cha ki 30 SHG wei da pynkupburom leh ya ki wakreh Anganwadi heiyatoh wa ki kaam wa da leh ki por ka khlam COVID-19.
Kiwi de kiwa da emlang ha kani ka sngi toh u D. Hynniewta, Project Director DRDA, u L Kynjing, ADC I/c Sohra Civil Sub Division, u PS Tynsong, BDO Khatarshnong-Laitkroh C&RD Block, u R. Kynta, COO, MSRLS wa kiwi de.
